MANILA, Philippines - Nagsimula na ang Jr. NBA sa paghahanap ng 2012 Jr. NBA Coach of the Year na handog ng Alaska.
Sa ikalimang taon ng programa, tatanggap na ng nominasyon ang pamunuan ng Jr. NBA mula sa iba’t ibang rehiyon at ang mapipiling coach ang siyang makakasama ng 10 batang manlalaro na nagpasikat sa National Training Camp na tutulak sa US.
Uupo ang mapipiling local coach bilang assistant coach ng mga koponan na ilalaban sa ibang Jr. NBA teams mula Asia.
Dapat taglay na dominanteng coach ang pagiging masipag bukod pa sa pagkakaroon ng STAR Values na Sportsmanship, Teamwork, positive Attitude at Respect.
Titingnan din ang selection committee mula sa NBA at Jr. NBA ang naabot sa huling 12 buwan ng pagko-coach ng mga kandidato.
Sampu ang pipiliin para maging finalists at sila ay dadalhin sa Manila ng libre upang dumalo sa NBA National Training Camp mula Mayo 3 hanggang 5 at sasanayin ng bibisitang NBA Legend at mga coaches ng Alaska Aces.
Sa huling araw ng National Training Camp papangalanan ang mapipiling Jr. NBA Coach of the Year.