MELBOURNE - Ngayon pa lamang ay nakatutok na si Russian golden girl Maria Sharapova para sa 2012 Olympics Games sa London.
Tangan ang tatlong Grand Slams, 24 WTA titles at $16 milyon sa prize-money, sinabi ng Florida resident na si Sharapova na gusto niyang mabigyan ng gold medal ang Russia sa 2012 Olympics.
Hindi nakalaro si Sharapova sa nakaraang Olympic Games sa Beijing, China noong 2008 dahilan sa isang shoulder injury.
"This year is a big year for me because I'll be playing in the Olympics, which has been a dream of mine since I was a young girl," sabi ng 24-anyos na Russian netter.
"Growing up in Russia, tennis wasn't a big sport back then. It was all about being an Olympian, especially the winter sports. Overall, I was extremely disappointed I missed Beijing,” dagdag pa nito.