CEBU, Philippines - Sa katapusan, giaprobahan na sa Cebu Volleyball Association (CEVA) ang inisyal nga plano nga mopasiugda og usa ka commercial volleyball league ning tuiga.
Si CEVA co-chairman Glenn Anthony Soco miingon nga laraw nilang ipahigayon ang kalihukan sa summer o dili ba sa tunga-tungang bahin ning tuiga aron matuman ang naasoy'ng proyekto.
"We are now in the planning stages. It was approved already by the CEVA board and we are looking at summer or mid this year to have the competition," matud pa ni Soco.
Sumala pa ni Soco nga ang liga mokater sab sa mga players nga wala na moduwa sa nagkalain-laing unibersidad ug gumikan kay usa kini ka open competition, suportado kini sa mga nagkadaiyang stakeholders. - BANAT NEWS