CEBU, Philippines - Ang Sacred Heart School-Ateneo de Cebu (SHS-AdC) misakmit og tulo ka korona sa 2nd Sinulog Cup football tournament sa managlahing binyu.
Gilangkat sa SHC-AdC ang girls 17 ug boys 14 crowns didto sa University of San Carlos-Technological Center sa Talamban ug ang players 8 title sa San Roque Parish field sa Brgy. Subangdaku, Mandaue City.
Ang SHS-AdC mipukan sa St. Theresa's College pinaagi sa penalty shootout, 2-1 aron maghari sa girls 17 category didto sa USC-TC.
Didto sa San Roque, ang SHS-AdC miposte og impresibong 2-0 nga kadaugan batok sa Count FC aron harian ang players 8 division.
Sa laing bahin, ang Springdale mihakot sab og duha ka titulo kortesiya sa boys 17 ug 12 divisions.
Ang Springdale mipukan sa USC-TC, 2-0 aron sakmiton ang boys 17 title
ug nidaog batok sa Canduman's Dedon, 1-0 sa boys 12 final.
Hinuon, ang Canduman-Dedon maoy nidominar sa player class human gipukan ang Count FC.
Ang San Roque Football Club miangkon sa korona sa girls 14, apan napilde ngadto sa Danao FC sa players 10 final. (BANAT SPORTS)