Tigresses sinakmal ang Lady Bulldogs

MANILA, Philippines - Kinuha ng University of Santo Tomas ang ka­nilang pang-apat na sunod na panalo sa UAAP Season 74 wo­men’s volleyball tournament.

Ito ay matapos nilang igupo ang National University, 25-11, 25-21, 25-18, kahapon sa The Arena sa San Juan.

Humataw si Maru Banaticla ng 15 hits para sa Tig­resses, habang may tig-8 points naman sina Maika Ortiz at Midori Hirotsuji.

“The girls’ morale at this point is high, and they im­pro­ved a lot on their serves,” sabi ni UST coach Odjie Ma­­mon.

Nagsalpak rin ang Tigresses ng limang service aces, dalawa rito ay mula kay setter Rhea Dimaculangan, laban sa Lady Bulldogs.

May 4-2 rekord ngayon ang UST matapos ang ka­nilang 0-2 simula at isasara nila ang first round eliminations laban sa nagdedepensang De La Salle.