CEBU, Philippines - Halos matag season sa University Athletic Association of the Philippines (UAAP), kanunay gyud kita makakita og mga maayong point guards nga produkto sa Far Eastern University (FEU) Tamaraws.
Pipila ka mga ehemplo niini mao silang Den-ok Miranda, Jonas Villanueva, Andy Barroca ug karon si Ryan Roose Garcia apan wala na makakita ang FEU og usa ka point guard nga susama og abilidad ni King Tamaraw Johnny Abarrientos, usa sa labing maayong laki nga point guard sa UAAP ug sa PBA diin lakip siya sa grandslam title sa Alaska Aces sa dekada ’90 ubos ni coach Tim Cone.
Sa pagka karon, gusto na sa FEU nga mag-umol og usa ka point guard nga ilang ipuli kang Abarrientos ug ang ilang hipanglantawan mao ang Sugboanong player sa FEU Baby Tamaraw nga si Jerie Marion Abejo Pingoy. Dili kini imposible tungod kay kung si Johnny letrang A ang iyang apelyedo, letrang A sab ang middle initial ni Pingoy kinsa gi-anggaan og Koko.
Si Koko, dali ra kaayong misikat didto sa UAAP tungod sa iyang abilidad. Usa siya ka ambidextrous, usa ka talagsaong matang sa player kinsa parehong mogamit sa iyang tuo ug walang kamot. Wa’g tuo mo-lay up si Koko. Abtik siya’g pangamot alang sa strip job o pagtapik sa bola, mo-igo siya sa iyang mga perimeter jumpshots ug epektibo kaayo gikan sa three-point territory.
Kung sumadahon, usa ka well-rounded player si Koko ug dinhi daw daan nang nakita sa mga team officials sa FEU nga siya maoy ilang tahasan nga sumosunod ni Johnny A.
Sa una pa lang niyang tuig isip rookie sa UAAP, mipakita dayon og labok si Koko tungod kay siya maoy mitimon sa FEU-Fern Baby Tams sa finals diin napili siyang sakop sa Mythical Five. Hinoon napilde sila sa National University (NU) Bullpups sa finals.
Dako kaayo’g pagsalig si coach Mike Oliver kang Koko ug tuod man, gibabad siya og maayo atol sa usa ka exhibition game isip preliminary sa Philippine Collegiate Champions League (PCCL) Final Four diin miposa siya’g 34 puntos aron baslan ang Bullpups.
Naglatay sa kaugatan ni Koko ang pagka-basketball player tungod kay anak siya ni ex-pro Jerry Pingoy kinsa kanhi produkto sa University of the Visayas (UV) Green Lancers nga bisan sa iyang gitas-on nga wala maka-abot og six feet, nahimo siyang sentro kanhi sa PBA tungod sa kataas sa iyang layat ug pag-umangkon siya ni Jonatahn Abejo, kanhi UC Webmaster.
Ania karon si Koko sa Sugbo aron pahimuslan ang Christams vacation. Ang batan-ong player nga gikan sab sa UC, magsaulog sa iyang ika-17 nga adlaw’ng natawhan karong adlawa.
Samtang nagbakasyon, moduwa unta si Koko alang sa Southwestern University (SWU) Cobras isip usa ka import sa Cebu Basketball Association (CBA) Christmas League diha sa Cebu Coliseum.
Ang iyang amahan nga si Jerry mitug-an kanako nga gitawagan siya sa FEU team manager nga si Mark Molina nga dili nila paduwa-on si Koko sa CBA kay nahadlok si Molina nga pangitaan unya sila’g bikil sa laing teams sa UAAP ilabi na kay ilang gi-ila si Koko nga usa ka elite player sa UAAP bisan pa sa iyang rookie year didto.
Matod pa ni Koko, anugon nga dili siya makaduwa kay higayon na unta nga iyang ipakita sa mga Sugboanon ang iyang abilidad ug pruybahon nganong napili siya sa Mythical Five.
MISCELLANEOUS. Congrats to my son Matt Erikson for coping up second runner-up finish of the just-concluded Mr.& Miss SCUAA (State Colleges and Universities Athletic Association) regional competition last December 16 in Dumaguete City. It was his second 2nd runner-up finish in less than one month as he also settled the same place in the Hari ng Lapulapu pageant last November 22. He was the proud representative of the Cebu Normal University (CNU) to the SCUAA.Matt and other CNU officials left for Dumaguete since December 13 but could not come home on time as he was among the 8,155 passengers in different places all over the country who were stranded because of typhoon Sendong. (BANAT NEWS)