Gitawag ni WBC light middleweight champion Saul “Canelo” Alvarez si undefeated Floyd Mayweather Jr. alang sa usa ka sangka sunod tuig.
Kini gibuhat ni Alvarez human sa iyang malampusong title defense kagahapon batok ni Kermit Cintron pinaagi sa fifth round TKO. (LPM)
Donaire moaway sa Mall of Asia
Giplanohan karon ang away ni Pinoy boxing superstar Nonito “The Filipino Flash” Donaire sa sunod tuig nga adto ipahigayun sa 20,000-seater nga SM Mall of Asia stadium sa Pasay City .
Ang maong away tentatibong gitakda sa May, 2012 diin gipilian nga sangkaon ni Donaire si Japanese champion Toshiaki Nishioka ug Puerto Rican Wilfredo Vasquez Jr. (LPM)
3 ka players sa Galaxy di kaduwa
Gipahibalo sa kadagkuan sa Los Angeles Galaxy nga duha sa ilang mga sinaligang players ang di kaduwa karong Disyembre 3 dinhi sa Pilipinas.
Ang Galaxy nga gipangulohan ni football superstar David Beckham makigsangka sa Phl Azkals sa usa ka exhibition game didto sa Rizal Memorial Stadium. (LPM)
Kanhi kontra ni Ali namatay
Mipanaw sa edad nga 70-anyos ang kanhi challenger ni boxing legend Muhammad Ali nga si Ron Lyle.
Si Lyle kinsa usa ka convicted nga killer namatay tungod sa sakit sa sa tinai. (LPM)