CEBU, Philippines - Mag-atubang og laing hagit sa iyang karera si undefeated ALA fighter Genesis 'Azukal' Servania sa sangka niya batok ni Marcos 'Geraldito' Cardenas sa Mexico sa "Pinoy Pride X" karong Disyembre 10 didto sa Hoops Dome sa Lapu-Lapu City.
Gawas sa pagpadayon sa panagribal sa Pilipinas ug Mehiko sa boksing, isugal usab sa duha ka boksidor ang ilang mga undefeated record.
Si Servania nga katapusang midaog batok sa beteranong Mehikano nga si Gerson Guerrero niadtong Septiyembre, mosuway pag-angkon sa ika-16 niyang daog, samtang si Cardenas nga adunay 70% knockout percentage nanganti pagpukan ni Servania.
Ang Servania-Cardenas fight, usa sa mga undercard sa IBF international featherweight title showdown tali ni ALA knockout artist Rey 'Boom Boom' Bautista ug undefeated Miguel Angel Mendoza sa Mexico. (BANAT SPORTS)