Sakripisyo ni Marestella nagbunga ng gold medal

Palembang - Bumawi si Ma­restella Torres ang hindi magandang ipinakita sa ma­la­laking kompetisyon na si­nalihan noong nakaraang ta­on nang kunin ang ginto sa paboritong long jump event sa pagbubukas ng ath­letics competition ka­ha­pon sa 26th SEA Games dito sa Jakabaring Sports Ci­ty.

Hindi isang ordinaryong pa­nalo ang ginawa ni Torres dahil binura niya ang kan­yang SEAG record na 6.68m na itinala niya noong 20­09 sa Laos matapos lu­mundag sa 6.71 meters at sa mainit na panimula ng kam­panya ng mga ‘GTK Army’.

Ang 30-anyos na si Tor­res ay nagkaroon lamang ng tatlong opisyal na attempts dahil foul ang tat­long ibang attempts nito ngu­nit hindi naapektuhan ang hangaring tagumpay ng pambato sa women’s long jump nang itala ang mar­ka sa ikatlong lundag.

“Determinado talaga ako matapos ang nangyari sa akin sa Asian Games sa Guangzhou last year na expected ako manalo pe­­ro nag-fourth place lang,” wi­ka ni Torres na selyado rin ang panalo kahit hindi na­kagawa ng bagong record matapos masukat sa 6.65m at 6.61m ang una at pang anim niyang lundag.

Hindi naging madali ang pagbangon na ito ni Tor­res dahil binalak na ni­yang magretiro matapos ang kabiguan sa Guang­zhou Games noong 2010.

“Hindi ako nag-training ng dalawang buwan pero hi­nikayat ako ng coaching staff, team mates ko at si Mr. Go na bumalik. Hirap din ako sa training dahil wa­la ka­ming sariling venue at pa­lipat-lipat ng lugar na pi­­nagsasanayan,” dagdag pa nito.

Ngunit kapalit ng mga pag­subok na ito ay ang ma­tamis na tagumpay dahil ito na ang kanyang ikaapat na long jump gold medal sa SEA Games mula pa no­ong 2005 na idinaos sa Pi­lipinas.

Higit dito, ang 6.71 meters marka ay nagbigay rin kay Torres ng tiket para sa Lon­don Olympics sa 2012 da­hil pasok ito sa Olympic qualifying B standard na 6.65 meters.

Ang A standard ay nasa 6.75 meters.

“Masaya ako sa naga­wa ko dahil sa pinagdaa­nan ko. Andoon pa rin ang strength ko sa mga distan­s­ya ng lundag ko. Ngayon ay paghahandaan ko nang hu­sto ang London Olympics,” wika pa ni Torres na ka­sapi rin sa Olympic Solidarity Program ng POC.

Sa kompetisyong ito lu­mabas din ang posibleng ma­giging kapalit ng SEAG long jump queen dahil ang 20-anyos na mag-aaral ng Uni­­versity of Baguio na si Ka­­therine Santos ang siyang sumungkit ng bronze me­­dal sa 6.25m marka.

“Malakas ang hangin ka­­ya medyo nahirapan ako,” sambit ni Santos na ki­­napos ng 22 sentimetro kay Maria Londa ng Indo­ne­­sia na siyang nag-uwi ng pilak sa 6.47m marka.