CEBU, Philippines - Liboan ka runners ang gilaumang modagan sa 3rd Gullas Run karong Sabado didto sa Talisay City South Coastal Road.
Sama sa naandan, ang lumba gibahin sa tulo ka kategoriya -- 10K, 5K ug 3K.
Gawas sa mga elite runners nga managan sa 10K, atngan usab ang aksiyon sa 5K Open ug 5K Media nga bidahan sa mga nagkadaiyang media personality gikan sa tri-media. Ang 3K bukas lang alang sa nag-edad og 12-anyos ug paubos.
Mga ganting salapi ug medalya ang madawat sa mga top finishers sa matag dibisyon.
Ang proceeds sa maong lumba idonar ngadto sa Alay Lakad Scholars ug sa Talisay athletes nga mopakita'g aksiyon sa Central Visayas Regional Athletic Association (CVIRAA) Meet sunod bulan didto sa Tagbilaran.
Ang registration fee sa tanang kategoriya nagkantidad og P250. Mahimong magparehistro didto sa Talisay City Sports Commission, Runnr sa Ayala Center-Cebu ug sa University of the Visayas sa opisina ni Kongresista Eddie Gullas. (BANAT NEWS)