CEBU, Philippines - Nangayo pa og overtime angM. Lhuillier Kwarta Padala-Cebu Niños una nila paludha ang Alaska Aces, 94-92 sa opener sa 2nd Cebu City Mayor’s Cup Invitational tournament kagabii didto sa Cebu Coliseum.
Ubos sa giya sa bag-o nilang head coach Joel Banal, gipakita sa Alaska ang kaepektibo sa ilang opensa sa first-half diin milabaw sila og kuwatro puntos, 45-41. Apan naapsan kini sa third period dihang mi-rally ang Niños sa pagpangulo sa import niining si Devon Sullivan sa iskor nga 64-59.
Kontrolado sa Niños ang duwa ug ang tip-in ni Abby Santos mihatag sa komportableng labaw sa host team, 87-82 sa nahabiling 1:23 sa duwa. Apan nakatabla ang Alaska, 87-all human sa footback ni Hans Thiele.
Sayo untang makuha sa Niños ang daog, apan mikagar ang buzzer-beater ni Sullivan hinungdan sa overtime.
Sa dugang singko minutos, wala na magpabangbang ang Niños diin mipatuasik kini og mga puntos bisan pa sa mga hulga sa Aces.
Si Sullivan maoy topscorer sa Niños sa iyang 18 puntos, gisundan ni Ian Saladaga nga adunay 17 puntos, samtang si Santos miamot og 12 puntos. (BANATSPORTS)