CEBU, Philippines - Milansang og laing daog ang Lily Warriors ug Aries Lending batok sa tagsa-tagsa nilang kaatbang sa LLBA Rollway Customs Brokerage Cup 2011 basketball tournament didto sa Villas Magallanes gym sa Lapu-Lapu City.
Si Uriel Manilag miantog og 20 puntos alang sa Lily Warriors ni team owner Michael Ouano nga mibuntog sa Igot Trucking ni Junax Igot sa iskor nga 69-62.
Sa laing duwa, ang Aries Lending ni team owner Tito Francisco nakabawi sa second half aron pagtumba sa Radaza Boys ni Lapu-Lapu City councilor Harry Radaza, 62-54. (BANATSPORTS)