CEBU, Philippines - Mikabat sa 17 ka batan-ong lalaki ang misalmot sa Coach Tata Basketball Camp nga gisugdan kaniadtong Sabado, Septiyembre 3 didto sa Sacred Heart School for Boys old campus sa dan Mango Avenue, ning dakbayan.
Ang head trainor ug coach Tata Merced nagkanayon nga kutob lang sa 30 ka mga bata ang iyang dawaton tungod kay lisod sab tudloan ug sobra na kadaghan ang mosalmot.
Ang training pagahimoon matag 12 sa udto ngadto na sa alas 2 sa hapon matag Sabado.
Adunay P/500 nga registration fee matag bata ug mopailawon sila sa training sulod sa upat ka sessions.
Si coach Tatra kanhi player sa PBA ug nakaduwa sa Great Taste isip point guard. Dinhe siya mogradwar sa University of San Jose Recoletos. Sa kasamtangan, siya maoy assistant coach ni Mike Reyes sa University of San Carlos (USC) Warriors sa nagpadayong 11th Cebu Schools Athletic Foundation, Inc. (CESAFI).
Gi-awhag ug gidapit kadtong mga interesadong mosalmot sa pagkontak ni coach Tata sa iyang mobile phone # 0932-7396980. - BANAT NEWS