CEBU, Philippines - Gitapos sa University of SouthernPhilippines Foundation (USPF) Baby Panthers ang first round elimination pinaagi sa pag-iskor og 79-66 nga kadaugan batok sa University of Cebu (UC) Junior Webmasters niadtong Huwebes sa gabii sa 11th Cebu Schools Athletic Foundation Inc. (CESAFI) basketball season diha sa Cebu Coliseum.
Mga duwa ugma
(Cebu Coliseum)
1:00 pm
DBTC vs. SHS-AdC (Jrs.)
2:30 pm
CIT-U vs. USJR (Jrs.)
4:00 pm
USC vs. UC (Srs.)
5:30 pm
UV vs. USJ-R (Srs.)
Ang Baby Panthers naghupot karon og 5-3 nga baraha.
Walay nakapiog kang Rommel Diapera, kinsa maoy nangu sa Baby Panthers sa iyang game-high 34 puntos, samtang si Jason Cando mibahog og 21 puntos.
Ang sentro sa UC nga si Jomari Bacalso miposa og 15 puntos alang sa 1-6 nga Junior Webmasters ug ang beterano nga si Niko Nemeño miamot og 10 puntos nga maoy labing una niyang double-figure performance karon nga torneyo.
Wala mangigo ang mga shooters sa UC nga sila si Andrey Armenion ug Kurt Ian Trangia ug igo lang miamot og tres puntos matag usa hinungdan nga uga kaayo ang ilang opensa.
Puntos matag usa
USPF (79) - Diapera 34, Cando 21, Villarta 11, Gairanod 6, Cabungcal 6, Bolivar 2, Divino 1, Amontos 1
UC (66) - Bacalso 15, Nemeño 10, Luardo 9, Grafilo 8, Orquez 6, Nemil 4, Villaceran 4, Armenion 3, Trangia 3, Bardaje 2, Aloncillo 2 (BANAT NEWS)