MANILA, Philippines - Tinalo ni defending champion Dennis ‘Robocop’ Orcollo si Chang Jung-lin ng China, 8-1, upang umabante sa Round-of-8 sa 19th Party Poker.net World Pool Masters kahapon sa The Block Atrium sa SM North Edsa Mall.
Bago igupo si Chang, pinayukod muna ni Orcollo, ang kasalukuyang world no.1 sa World Pool-Billiard Association (WPA) ranking list, si Tony Drago ng Malta, 8-2.
Samantala, nasibak na si Hall of Famer Efren ‘Bata’ Reyes nang yumukod kay Darren Appleton ng England, 4-8. Nauna nang napatalsik ang kanyang kumpareng si Francisco ‘Django’ Bustamante, isang two-time World Pool Masters ruler,matapos mabigo kay Jason Klatt ng Canada, 3-8.