CEBU, Philippines - Ang fourth leg sa 2011 Kartzone Karting Series moulbo karon didto sa Kartzone uban nilang JT Gullas ug Peterson Lim nga maoy mangu sa tanang mga partisipante.
Sila si Gullas ug Lim mao karon ang nag-unang kandidato alang sa Rider of the Year award nga adunay tag-40 puntos matag usa.
Si Gullas mao sab ang bantayanan nga karter sa experts class, samtang laing multi-titled rider nga si Jette Calderon nagsunod sa overall standings alang sa ROY ug experts class.
Sa iyang bahin, si Lim mao sab ang karter nga angay atngan sa masters category.
Gawas sa experts ug masters, may lumba sab sa novice ug mini-ROK division.
Si Wilson Ong maoy nag-una sa novice division human sa tulo ka legs, samtang si Vince Rojo sa mini-ROK. (BANATSPORTS)