CEBU, Philippines - Miarangkada na usab ang Mandaue RDAK Transport Cebu Landmasters dihang ilang gipasingitan ang MP Warriors GenSan, 77-58 sa miaging gabii sa Super Leg sa SMC Liga Pilipinas Conference V didto sa Xavier gymnasium sa Cagayan de Oro City.
Napiksan hinuon og kagubot ang kadaugan sa Mandaue dihang gisuntok ni Jasper Callo sa GenSan si Harlow Villanil nga miresulta sa pagkalagpot sa duha sa playing court sa unang 59 segundos sa duwa
Ang Warriors maoy mikontrolar sa unang duha ka kuwarter diin nakabentaha kini og sayes puntos sa halftime, 51-45. Ang labaw wala magdugay sa ilang mga kamot kay miratsada man ang Landmasters sa third quarter.
Nagtusak-tusak ang triples sa point guard nga si Leomer Losentes nga nakatabang pag-inat sa labaw sa Landmasters ngadto na sa 19 puntos, 57-38 paingon sa final final period ug wala na kini molingi pa sukad niadto.
Si Ariel Capus mitira og 18 puntos, samtang si Losentes miamot og 13 puntos alang
sa Mandaue nga kasamtangang nagbitbit og 2-1 nga baraha.
Ang Mandaue nakigsawo sa ikaduhang dapit uban sa host MisOr Meteors nga nidaog usab sa pasiunang duwa batok sa Laguna Golden Lions sa iskor nga 92-85. (BANATSPORTS)