CEBU, Philippines - Lisud na nga pugngan ang puwersa sa running partners nga sila si John Philip Duenas ug Mary Joy Tabal nga padayong mihakot og titulo ug ning bag-o sa Alphonsian Run didto sa Lapu-Lapu City.
Ang mga pambato sa Southwestern University (SWU) mao na karon ang giila isip bag-ong hari ug reyna sa Cebu running community.
Gitapos ni Duenas ang 15K men's category sa oras nga 51:52.28, nagsunod sa ikaduha si Arnold Unabia sa oras nga 51:57.55, samtang si Adonis Singson mikapyot sa ikatulo sa iyang oras nga 52:41.29.
Ang National Milo Marathon third placer nga si Tabal maoy milangkat sa korona sa women's division dihang iyang gihuman ang dagan sa oras nga 1:18.26 batok nila ni Christy Sevilleno-Tutor (1:06:36.86) ug Jhen Andrin (1:10:02.16). - BANAT NEWS