CEBU, Philippines - Kutob na lang karong adlawa ang gitagal alang sa mga triathletes nga gustong makadiskuwento sa registration fee alang sa 1st Mayor Moonyeen Durano Triathlon nga gikatakda karong Hulyo 23 didto sa Sogod.
Ang mga triathletes nga magparehistro karon mobayad lang og P600 sa individual class ug P500 matag atleta sa tandem or relay category.
Sugod ugma, Hulyo 11 hangtod sa Hulyo 20, ang entry fee mosaka ngadto sa P800, samtang ang matag miyembro sa tandem or relay mokantidad na og P700.
Libre na ang souvenir shirt, food ug race bib sa maong registration fee.
Ang lumba naglangkob sa 1.5km swim, 40km bike ug 10km run.
Magsilbe kining tune-up event alang sa 2011 Cobra Ironman triathletes didto sa Camarines Sur ug ingon man usa sa mga kalihukan sa tinuig nga kapistahan didto sa lungsod sa Sogod.
Ganting salapi ug medalya ang madawat sa top performers ning maong kompetisyon.