MANILA, Philippines - Makikilatis ang tunay na kalidad ng mga koponang nakapagdomina sa classification round sa pagsambulat ngayon ng PBA D-League Foundation Cup semifinals sa Yñares Sports Arena sa Pasig City.
Ang Cebuana Lhuillier na nanguna sa Group B ay babangga sa PC Gilmore sa ganap na alas-2 ng hapon bago sundan ng pagtutuos ng Group A leader NLEX at Max! Bond Super Glue sa alas-4 kung saan ang mananalo ay aabante sa best-of-three championship series.
Paborito man ang Gems at Road Warriors ay hindi naman nagkukumpiyansa ang kasapi ng koponan lalo nga't hindi naman pipitsugin ang mga makakatapat.
Ang Wizards ang naging ‘dark horse’ nang makarating sa Final Four kahit binubuo ng mga collegiate players na sina Carlo Lastimosa, Allan Mangahas at Jeff Vidal. (ATAN)