MANILA, Philippines - Sisimulan ngayon ang home and away Inter-City phase sa 2nd Coca Cola Hoopla NCR Championship sa 10 magkakaibang palaruan.
Ang labanan sa East ay sa pagitan ng Quezon City at Pateros sa alas-6 ng gabi sa Libis Covered Court sa Quezon City at Pasig laban sa Marikina sa alas-7 ng gabi sa Concepcion Lino sa Marikina.
Ang Caloocan ay lalaban sa Navotas sa alas-6 ng gabi sa Navotas Sports Complex at ang Valenzuela ay sasagupa sa Malabon sa alas-7 ng gabi sa Hulong Duhat Covered Court sa Malaban sa North games.
Katatampukan ng labanan sa South ay ang Parañaque at Muntinlupa sa alas-4 ng hapon sa Area 1 sa Parañaque at Pasay at Las Piñas sa alas-6 ng gabi sa Pasay Sports Complex.
Ang Cainta ay sasagupa sa Antipolo sa labanan sa West sa alas-6 ng gabi sa San Roque sa Cainta habang ang Binangonan ay lalaban sa Taytay sa dakong alas-6 ng gabi sa Ynares Plaza sa Binangonan.