Palaro sugdan na karon

CEBU, Philippines - Kapin sa 10,000 ka atleta, coaches ug officials ang mag-abot sa opening salvo sa 2011 Palarong Pambansa nga mosikad karong ala-1 sa hapon didto sa Jose Rizal Memorial State University Sports Complex sa Dapitan City.

Motambong sa opening ceremonies mao si Bise Presidente Jejomar Binay, kinsa mao sab ang keynote speaker.

Ang managsuong Younghusband nga sila si Phil ug James nipadayag sa ilang pagtambong sa opening ceremonies.

Ang Palarong Pambansa gold medalist nga si Nelma Insang maoy modagkot sa urn of friendship. Si Department of Education (DepEd) Secretary Bro. Armin A. Luistro maoy pormal nga mobukas sa usa ka semana nga multi-sport conclave. (BANAT NEWS)

Show comments