CEBU, Philippines - Ang Basak Barangay Council sa Lapu-Lapu City nga gipangulohan ni Brgy. Capt. Isabelito 'Belong' Darnayla mainitong modalit og Summer Sports Tournament nga sugdan ugma sa buntag didto sa ilang basketball court.
Tinuig kini nga kalihukan sa pagdumala sa Sangguniang Kabataan (SK) ubos sa liderato sa ilang chairman VG Marie Darnayla.
Napulo'g-unom (16) ka koponan ang magtigi sa titulo, kini naglakip sa 3H-BRC, Masulog, Sudtonggan, YLA-New Road, San Vicente-Kalubihan, Merkado-Kalnsong, Ibabao-Ka Papeng, BF Homes-Kaimitohan, San Roque-Colo, Kagudoy Proper, Upper/Lower Kagudoy, Tangke, BNCA, Iba-Tongdon, Lugsongon-Pakpakan ug Sto. Niño-Basak Gate.
Magtigi kini sa duwang basketball, volleyball, table tennis, dart, badminton ug uban pang matang sa duwa sa paugnat sa kusog.
Sugdan ang kalihukan pinaagi sa tradisyonal nga parada sa mga partisipanteng koponan uban sa barangay ug SK officials, Barangay Basak Sports Commission sa pagpangulo ni Roger Bergado ug sa mga madasigong tigsuporta.
Alang sa dugang mga pakisayod mahitungod ning maong dakung kalihukan, pakigkita lang ni Rea Sumalinog, ang tesurera sa maong barangay. (BANATSPORTS)