MANILA, Philippines - Mag-oorganisa si Quezon City Vice Mayor Joy Belmonte ng isang libreng basketball coaching clinic na pamamahalaan ni multi-titled coach Koy Banal mula Abril 25-29 sa Amoranto Sports Complex, Roces Avenue.
Ang nasabing four-day event, bahagi ng youth sports development program at livelihood project ni Belmonte, ay magsisimula sa ganap na ala-1 ng hapon.
Ang mga attendees ay makakakuha ng libreng coaching manuals.
Si Banal, ang defensive coach ng B-Meg Derby sa PBA, ay inaasahang ipapamahagi ang kanyang coaching knowledge mula sa kanyang coaching experience sa Far Eastern University, San Beda at Magnolia.
Ang tatlong koponan ay pawang inihatid ni Banal sa kampeonato sa UAAP, NCAA at PBL, ayon sa pagkakasunod.
Sa mga interesado, tumawag kay JP Castanares sa 444-7272 local 8208 o sa 0917-3505872.