CEBU, Philippines - Nahapnig na ang tanan alang sa tinuig nga summer clinic sa Yaw-Yan Ardigma Martial Arts Federation Inc. nga buksan karong Abril 4 didto sa 4th floor sa Coast Pacific Downtown Center, atbang sa University of Cebu-main campus sa dalan Sanciangko, ning siyudad.
Gidapit ni Yaw-Yan Ardigma CEO/Founder ug Vis-Min director Master Benigno 'Ekin' R. Caniga, Jr. ang mga kabatan-onan nga gustong moumol sa ilang oras sa pagtuon og martial arts karong panahon sa bakasyon.
Ang Yaw-Yan usa ka martial arts nga mogamit sa nagkadaiyang parte sa lawas isip hinagiban sama sa sumbag, patid, head ug shoulder butts, siko, tuhod ug ground fighting.
Lain pang gitanyag nga kurso sa Yaw-Yan mao ang arnis, boxing, fitness, Yaw-Yan Combat (self-defense), Yaw-Yan Ardigma System ug Mixed Martial Arts (MMA).
Alang sa dugang mga pakisayod, mahimong motawag sa 0919-8215582 o 0932-7316232. –BANAT NEWS