CEBU, Philippines - Gipangulohan nilang Chrissar Llegunas ug Royce Sonsona ang opensa sa ANKLA, kinsa midaog batok sa Ernest Jay, 52-42 aron magpabiling walay pilde human sa upat ka duwa sa 3rd F. Llamas Youth Association (FYA) basketball tournament didto sa Sitio Manggahan open court sa barangay Punta Princesa, ning siyudad.
Sa laing duwa, ang defending champion Simpolang Barbecue Haus nakatilaw na gyud og daog sud sa lima ka duwa human nila gidemolis ang Orillaville sa iskor nga 75-56.
Si Llegunas miposa og 13 puntos, samtang si Sonsona midugang og 10 puntos alang sa ANKLA.
Ang Ernest Jay nga nakaangkon sa ilang ikaduhang pilde sulod sa lima ka duwa, gipangulohan ni Toper Limbaga kinsa igo lang mihimo’g nuybe puntos.
Sa laing bahin si ex-USJR Jaguar point guard Giovanni Canceko mipabuto og 20 puntos aron pangulohan ang Simpolang ug sila si Wendell Ramoneda ug JR Laurente midugang og 15 ug 13 puntos matag usa.
PUNTOS MATAG USA
Unang duwa:
ANKLA (52) - Llegunas 13, Sonsona 10, Masongsong 7, Jorideni 4, Tolentino 4, Endrina 3, Pardenilla 3, Pelaez 2
Ernest Jay (42) - Limbaga 9, Medalle 7, Bomber 7, Caparas 4, Del Mar 4, Alcuneo 2
Ikaduhang duwa:
Simpolang (75) - G. Canceko 20, Ramoneda 15, Laurente 13, Villaver 12, Tabar 5, J. Canceko 4, Trinidad 2, Zapanta 2, Abella 2
Orillaville (56) - Tabada 16, Dumaguit 11, Elvis 8, Antiporta 5, Endrina 5, Jabonero 4, Tampus 2 (BANAT)