CEBU, Philippines - Mo-host ang Cebu sa penultimate leg sa 2011 Prince EX03 NXT GEN Tennis karong Abril 25-27.
Gipasiugdahan sa Palawan Pawnshop, ang torneyo mokober og pito ka legs uban sa Cebu nga mo-host sa sixth leg.
Matud pa ni Pet Santos, ang Sports Director sa Palawan Pawnshop nga wala pa mahingpit ang binyu sa maong age-group tournament.
Sugdan ang gubat didto sa Iloilo karong Abril 1-3 ug sundan sa San Carlos City sa Abril 5-7, dayon sa Bacolod City sa Abril 9-11.
Ang Dumaguete City mo-host sa fourth leg sa Abril 13-15, ug dayon ang fifth leg sa Tagbilaran City sa Abril 17-19.
Ang Dipolog City maoy mo-host sa ikapito ug katapusang leg sa Mayo 16-18.
Gawas sa age-group, ang Palawan Pawnshop mopaluyo usab sa UAAP-NCAA All Students karong Agosto. (BANAT NEWS)