CEBU, Philippines - Nasakmit ni Natalie Cabaluna ang liderato human sa walo ka hugna sa 2011 World Youth Scrabble Championship (WYSC) Visayas qualifying kagahapon diha sa Univesity of the Visayas (UV)-main quadrangle.
Gikan sa ikatulo sa miaging adlaw, si Cabaluna sa University of San Jose-Recoletos (USJ-R) mao na ang nag-una uban ang pito ka daog ug +620 spread. Si Mary Grace Paredes sa UV milayat sa ikaduha uban ang unom ka daog ug +576 spread. Ang pambato sa USJ-R nga si Orgie Albano mi-okupar sa ikatulo uban ang unom ka daog ug +540 spread, gisundan sa iyang teammates nga sila si Millefieren Rodriguez (+259 spread) ug Phil Figues (+148 spread) alang sa ikaupat ug ikalima nga dapit. (BANATSPORTS)