CEBU, Philippines - Gisubhan og daog ang Blue Team nga gipaluyohan sa host Cebu regional office sa Bureau of Jail Management and Penology (BJMP) ubos ni skipper Louie Fajardo ug ang Orange Team sa Bohol BJMP atol sa pagbukas sa 2011 BJMP Inter-Color sportsfest didto sa ilang covered court sa barangay Kalunasan.
Ang Blue Team midaog batok sa Mandaue-BJMP sa iskor, 67- 49 samtang sa sayo pa, ang OrangeTeam midaog batok sa Negros Oriental BJMP, 77-65.
Ang Blue kanunay gyud naglabaw ug wala mahulga bisan sa makadiyot atol sa 40 minutos nga kumbate ug si Joel Bantya maoy nangu sa host team sa iyang 18 puntos samtang si Fajardo midugang og 17 puntos ug si Norven Cuyno miposa og 10 puntos.
Ang Mandaue (Black Team), gipangulohan nilang Warren Lodovice ug Arvil Templado kinsa parehong mihipos ug 14 puntos.
Ang Orange Team sa laing bahin, gipangulohan ni Lin Doroy kinsa mibahug og game-high 23 puntos. Nakaamot sab ug dako silang Julius Trazo, Art Paquinot ug Juyn Paquinot kinsa nagkumboya og 38 puntos.
Si Augusto Lubaton mi-iskor og 18 puntos aron pangulohan ang Negros Oriental-White Team ug si Jet Abueva midugang og 15 puntos ug midugang sab si Blando Umbac ug 12 puntos.
Puntos matag usa:
First Game:
Orange (77)– Doroy 23, Trazo 15, A. Paquibot 13, J. Paquinot 10, Dogoy 4, Laure 4, Torreon 3, Torregoza 2, Sanoy 2, Caparoso 1
White (65)– Lubaton 18, Abueva 15, Umbac 12, Mendez 7, Balderas 5, Fernandez 2, Oracvion 2, Caingcoy 2,
Second Game:
Blue (67)– Bantaya 18, Fajardo 17, Cuyno 10, Tabang 7, Sabornido 6, Gatual 4, Gornez 3, Miot 2
Black (49)– Lodovice 14, Templado 14, Del Castillo 7, Arriesgado 5, Capaning 4, Delega 4, Briones 1. - BANAT NEWS