MANILA, Philippines – Magdaraos ang Black Water ng Ever Bilena, isa sa 14 na koponan na kasali sa bagong tatag na PBA D-League, ng tryout bukas sa Arellano University Gym sa Legarda, Manila.
Ang sinumang interesadong aplikante ay kailangang dumating bago magsimula ang nasabing tryout sa alas-10 ng umaga at hanapin si Johnson Martines.
Isa lamang ang Black Water, pag-aari ni Dioceldo Sy at gagabayan ni dating Ginebra star Leo Isaac, sa mga koponan na lalahok sa PBA farm league na tatakbo mula Marso 15 hanggang Hunyo 9.