CEBU, Philippines - Andam na ang tanan alang sa World Youth Scrabble Championships-Visayas Qualifying ug University of the Visayas Scrabble Challenge nga gikatakda karong Pebrero 24-25 diha sa University of the Visayas multi-media room.
Ang top two winners makaangkon og luna alang sa Visayas players aron malakip sa Philippine team nga moduwa sa World Youth Scrabble Championship karong tuiga didto sa Thailand o Malaysia.
Sa laing bahin, ang UV Scrabble Challenge bukas ngadto sa tanang scrabble enthusiasts nga nagpangedaron og 18 anyos ug sa mga professionals.
Ang registration fee nagkantidad og P200 alang sa mga tinun-an ug P300 sa mga professionals. (BANATSPORTS)