CEBU, Philippines - Adunay umaabot nga dakong 4-cock derby nga pagahimoon unya sa Marso 18, adlaw’ng Biyernes diha sa Century Games Club sa Banawa, ning dakbayan.
Gidapit sa promter nga si Lorenzo “Chao” Sy ang tanang mga mahiligon sa sabung dinhi sa dakbayan sa Sugbo ug sa silingang mga lugar sa pagsalmot sa maong kalihokan ug ipasundayag ang abilidad sa ilang mga hinigtan.
Ang pot money sa maong derby mokabat og P4, 400 ug adunay cash prize nga P300 mil.
Kung kinsa kadtong interesadong mosalmot, mahimong mopalista nang daan didto sa La Fortuna Sto. Niño branch.
Bisan usa siya ka breeder ug manok, mipasalig si Chao nga dili siya mosalmot aron paghatag og kaangayan sa tanan.
Mao kini ang ikatulong derby promotion ni Chao lakip ang derby didto sa Talisay sa miaging tuig. - BANAT NEWS