CEBU, Philippines - Dili momenus sa 400 ka runners ang gilauman modagan sa University of San Jose-Recoletos (USJ-R)-Engineering Mathematical Society (EMS) Fun Run karong adlawa diha sa USJ-R main campus.
Gibahin sa tulo ka kategoriya -- alumni, faculty ug students, ang mga partisipante modagan sa gilay-on nga 5 kilometros.
"Open to all colleges and university ang fun run, pero ang top 10 winners exclusive lang sa mga engineering students," matud pa ni head organizer Engr. Roel N. Militar.
Mga medalya ug t-shirt ang madawat sa top ten finishers sa matag kategoriya, samtang ang tanang finishers makadawat og certificate of participation gikan sa EMS. (BANATSPORTS)