CEBU, Philippines - Ang Cebu Schools Athletic Foundation Inc. (CESAFI) men’s volleyball squads moladlad sa ilang talento sa 1st LBC Men’s Volleyball Collegiate Tournament Cebu Qualifying nga gikatakda sa unang semana sa bulan sa Marso.
Si Jordan Paca, ang Cebu tournament coordinator midawat sa tanyag sa nagpasiugda sa torneyo kay matud pa makatabang kini sa pagpalambo sa volleyball dinhi sa Sugbu ilabi na sa men’s division.
Dapiton ni Jaca ang kapamilyang koponan sa CESAFI nga naglakip sa University of San Jose-Recoletos,University of San Carlos, University of Southern Philippines Foundation, University of Cebu, University of the Visayas ug Cebu Institute of Technology-University.
Ang torneyo mosubay og single round-robin format diin ang nag-unang upat ka koponan moabante sa crossover semis.
Ang kampiyon maoy morepresentar sa Sugbu alang sa nasudnon nga kompetisyon ug harungon ang mga dekalibreng koponan gikan sa Iloilo, Bacolod, Tacloban, Davao ug Manila. (BANATSPORTS)