WJJK AAN ZEE, Netherlands-- Isa na namang kabiguan ang nalasap ni Filipino GM Wesley So.
Yumukod ang 17-anyos na si So kay dating world youth champion GM Luke McShane ng England sa 12th round ng 73rd Tata Steel-Corus Group B chess championship dito sa de Morianne Community Center.
Matapos magtala ng isang four-game winning streak mula sa apat na sunod na draw, nakatikim si So ng dalawang dikit na kamalasan matapos bumitaw kay McShane sa 40 moves ng Caro-Kann.
Nahulog si So mula sa first place sa pagtabla sa fourth hanggang seventh places sa kanyang 7.0 points kasama nina GMs Le Quang Liem ng Vietnam, Gabriel Sargissian ng Armenia at Vlad Tkachiev ng France.