CEBU, Philippines - Napalta si Jeffrey Alcudia og duha ka duwa dinhi sa Sugbu, apan gibawi kini niya pinaagi sa pagdominar sa Cambuntan Darts Tournament didto sa Baritua Sports Bar sa Cambuntan, Carcar.
Dobleng kadaugan ang naangkon ni Alcudia human siya ug ang iyang partner naghari sa doubles event.
Sa singles event, si Alcudia mipukan ni Edsel Alegado sa final round, samtang si Rene Lepaopao mi-okupar sa ikatulo nga dapit.
Sa doubles event, si Alcudia ug iyang katimbang nga si Winston Apostel yano kaayo mipilde nilang Falax Cuizon ug Veniel Bolo.
Sila si Edsel Alegado, kinsa pakyas pagpahiluna sa ikaduhang dapit sa double napunta sa ikatulo uban ni Celestino Baritua Jr. – BANAT NEWS