CEBU, Philippines - Malipayon ang pasko ni Carlos Tampus sa Department of Health team dihang siya ang napiling most valuable player atol sa awarding ceremony sa Association of Regional Executives in National Agencies (ARENA-7) niadtong Disyembre 11.
Mitambong ang mga representante gikan sa 14 ka teams nga misalmot sa maong torneyo nga gipasiugdahan sa host agency Bureau of Internal Revenue (BIR) ubos sa ilang sports committee overall coordinator Emilio Tavera.
Si Jingjing Rama sa Bureau of Customs (BOC) maoy giilang 3-point king.
Ang napiling sakop sa Mythical Five mao sila si Tampos ug Kristian Ione Sesante sa PDEA, Melvin Abarquez sa CUT, Jan Adam Mose sa BOC ug Harris Reyes sa Ombudsman.
Ang Ombudsman sab maoy nakadaog sa Sportsmanship Team ug sila si Francisco 'Bingo' Matugas, Jr. sa BOC ug si Ruben Victor sa BIR maoy nakadawat sa sportsmanship awards, si George Alburo maoy Demolition Man, sila si Roy Paracueles ug Mark Anthony Llavore maoy Best in Steal ug si German California sa BIR maoy Best Defensive Player.
Si Tavera maoy nangunay paghatag sa mga ganti uban ni tournament commissioner Norwin Honoridez ug asst. commissioner Messiah Credo. – BANAT NEWS