GUANGZHOU - Uuwi sa Maynila ang mga Filipino cyclists na walang dalang medalya. At hindi rin nila alam kung saang grupo sila ng cycling association papanig.
Nakatakdang magdaos ang PhilCycling Association ni Philip Ella Juico ng national tryouts sa Disyembre 5 para madetermina ang bubuo sa national team na lalahok sa Le Tour de Pilipinas sa 2011.
Isa ring tryout ang gagawin ni Tagaytay Mayor Bambol Tolentino, pangulo rin ng PhilCycling, sa Disyembre 6.
Ang grupo ni Tolentino ang kinikilala ng Union Cycliste International, nagbibigay ng lisensya sa mga siklistang lumalahok sa ibang bansa.
Ang tropa ni Juico ang binasbasan ng Philippine Olympic Committee (POC) na nag-aapruba ng partisipasyon ng mga riders sa SEA Games, Asian at Olympic Games.