MANILA, Philippines - Aagaw ng eksena ang mga mahuhusay at mga batang jins sa Nov. 20-21 sa pagtatanghal ng 2010 Smart National Age-Group Taekwondo Championship sa Rizal Memorial Coliseum.
Inaasahan ni Philippine Taekwondo Association president Robert N. Aventajado ang tinatayang 1,200 male at female athletes na sasabak sa aksyon sa torneong suportado ng Philippine Sports Commission, Smart Inc., PLDT, Adidas at Milo.
Ayon kay organizing committee chairman Sung Chon Hong ang dalawang araw na event ay magbibigay sa mga batang jins ng pagkakataon na maipakita ang kanilang mga natutunan sa ngayon sa nasabing palakasan. Ito ay suportado rin ng PTA’s at ng government’s grassroots program.
Ang mga kompetisyon ay gagawin sa dalawang division--junior men at women at grade school para sa lalaki at babae. Ang mga lahok ay ika-katergorya sa Novice 1, Novice 2 at Advance groups.
Ang mga kalahok na edad 14-16 ay sasabak sa junior division habang ang 13 anyos pababa ay sa grade school division.