CEBU, Philippines - Napanalipdan sa Sta. Fe ang tagsa-tagsa nila ka korona sa Cluster 4 sa Governor Gwen Garcia Unity Volleyball (GUV) Cup didto sa Bantayan Multi-Purpose gym.
Sa men's division, ang Sta. Fe spikers mimakmak sa Bogo, 25-17, 25-18, luyo sa mga paningkamot nilang Jason Gabales, John Kyle Brigoli, Jason Iliut, Jobert Illustrisimo, sa managsuong Pacinio nga sila si Christopher ug Ernel ug sa ilang imports nga si Jonathan Clarus ug Liendon Cabelino.
Sa pikas bahin, ang Sta. Fe belles mibuntog sa Tabuelan, 25-17, 25-18 kortesiya nilang Danalie Baquiro, Mary Luilyn Pacinio, Ma. Christale Picos ug Rhea Loayon uban sa suporta nilang Jerra Mae Pacinio ug Hanna Mae Sevilla.
Hinuon, ang Tabuelan ug Bogo, nakakuha og pasaporte sa quarterfinal alang sa ikaduhang dapit sa ilang bracket.
Ang mga kampiyon mobulsa og P20,000 matag usa, samtang ang runners-up makadawat og P10,000.
Ang top two finishers sa Cluster 4 makig-uban sa early quarterfinalist Alcoy, Moalboal, Talisay City, Minglanilla, Barili ug Toledo sa men's class ug Alcoy, Alegria, Talisay City, Minglanilla, Barili ug Tuburan sa women's division. (BANATSPORTS)