CEBU, Philippines - Wala pa gihapon makatilaw og pilde ang Club A human maka-ipsot batok sa Club B, 46-45 sa Club Monday annual basketball league diha sa USC North Campus gym sa dalan Gen. Maxilom Avenue, ning dakbayan.
Sa laing duwa, gipukan sa Club C, ang guest team USC-BHS Batch ‘86 ubos sa pagpangulo ni Collector Bingo Matugas sa iskor nga 77-58.
Nabiyaan unta og uno puntos ang Club A sa nahabiling tres segundos, 44-45, apan dali kaayo silang nakalighot dihang naka-iskor si Allan Adolfo og usa ka krusyal kaayong undergoal stab nga maoy yawi sa ilang kadaugan.
Si Adolfo igo lang mi-iskor og siyete puntos alang sa 3-0 nga Club A, samtang si Eric Machado maoy nangu sa Club B sa iyang 15 puntos.
Sa laing bahin, si Jinggoy Olvido miburak og 19 puntos aron pangulohan ang 2-1 nga Club C, gisundan ni Erwin Budiongan nga adunay 13 puntos.
Sila si Pitoy Mata ug Noli Romarate parehong mihakot og 16 puntos alang sa USC-BHS Batch ‘86.