CEBU, Philippines - Ang tiket sa duwa tali sa defending champion Los Angeles Lakers batok sa bag-ong dagway nga Miami Heat maoy labing mahal karong 2010-2011 season diin mokabat ngadto sa $893 ang matag usa atol unya sa ilang gikahinamang unang sangka karong Disyembre 25 isip Christmas gift ngadto sa mga NBA fans.
Gipasalamatan sa NBA ang lakang ni LeBron James pagbalhin ngadto sa Heat nga maoy hinungdan sa pag-mahal sa tiket atol sa ilang duwa batok Lakers.
Ang ikaduhang labing mahal nga tiket mao ang duwa tali sa Boston Celtics batok Lakers didto sa Staples Center nga nagkantidad og $615, ang ikatulo mao ang Miami batok Boston nga nagkantidad og $396, ang ika-upat mao ang duwa tali sa Lakers batok Celtics didto sa TD Banknorth Garden nga nagkantidad og $316 ug ang ika-lima mao ang duwa tali sa LA Clippers batok Lakers nga nagkantidad og $313.