CEBU, Philippines - Mihabwa na sab og laing daog ang Rollway Freighters batok sa Ryle Trucking, 99-87 sa nagkainit nga aksiyon sa Phase 3 Camella Homes Sunday Club basketball tournament didto sa Villas Magallanes gym sa Lapu-Lapu City.
Sila si Diñola ug Albeos parehong mikadlit og 17 puntos alang sa Rollway Freighters nga naalkanse og dos puntos paghuman sa first period sa iskor nga 19-21.
Hinay-hinay nga mipahungaw sa kainit ang Rollway aron kibhangan ang labaw hangtod nga nailog nila ang momentum dayon na pagkulit og daog.
Si Centes Brañanola maoy topscorer sa Ryle nga mikimada og 19 puntos.
Sa sayo pa, ang Violet mitumba sa Yellow sa iskor nga 108-106 luyo sa mga paningkamot ni Alan Sepe, kinsa miarangkada og 35 puntos, gisundan ni Amay Palad sa iyang 27 puntos. (BANATSPORTS)