CEBU, Philippines - Ang buena mano nga lumba sa buwan sa Oktubre mahitabo ugma sa buntag sa pagsikad sa 4th Pink October Run didto sa The Terraces sa Ayala Center-Cebu.
Liboan ka runners sa Sugbu ang modagan sa lumba nga gibahin sa tulo ka kategoriya --10K, 5K ug 3K fun run.
Mopakita usab og aksiyon ang mga doctors ug uban pang medical related professionals kinsa bag-o lang nanagan sa World Hearts Day Run niadtong miaging Domingo.
Ang maong lumba nga gipaluyohan sa Ayala Center-Cebu, PCS-CEV, ICanServe Cebu uban sa Can With God, Cancer Care Network, Cebu Breast Assocation, Cebu Cancer Fight, Kahayag sa Rotary Club of Cebu Fuente, Rotaract Clubs of Cebu Fuente-Commbased and USC Rotary Club of Cebu Gloria Maris, Rotary Club Cebu Capitol North ug Cebu West, laraw nga motabang sa outreach program sa PCS-CEV Breast Clinic.
Gawas sa Pink October Run, nagpila nga mga lumba karong buwana naglakip sa 2nd Gullas Run ug Run to the Max Series 3: Conquer the Hill-Capture the Flag sa Oktubre 9, ug 2nd Eagle “Night Race” sa Oktubre 16.
Sa Oktubre 24, duha usab ka lumba ang magdungan apan sa managlahing mga binyu ug kini mao ang UAP-Cebu Get-Up-And-Go Green Run ug St. Peter Run. (BANATSPORTS)