CEBU, Philippines - Padayong nanginhas og daog ang Goldberry Suites/Uratex Foam ug ang labing bag-o nilang biktima mao ang White Gold Club, 68-57 aron magpabiling walay pilde sa pito nila ka duwa sa 15th Sacred Heart Alumni Basketball Association (SHABA) diha sa Sacred Heart gym sa Gen. Maxilom Avenue, ning siyudad.
Gitimonan ni Dennis Que ang Goldberry dihang iyang gipasiugdahan ang mainitong rally atol sa third period diin didto niya gipabuhagay ang iyang kainit alang sa kinatibuk-an niyang 14 puntos.
Ang White Gold mao unta’y naglabaw sa halftime, 38-29, apan dali kaayo kining napapas sa Goldberry sa third period.
Sa unang duwa, ang Gaisano Capital Saver’s Choice midaog batok sa A+Struttures sa iskor nga 52-39, samtang ang RDAK/Edcon Glass mipukan sa Natures Spring, 55-41.
Sa laing mga duwa, ang Gaisano Capital midaog batok sa Shell-V. Rama, 62-51 alang sa ilang ika-upat nga daog sulod sa pito ka duwa, samtang ang JAPFA naka-ipsot batok sa Marcelino Co, 69-63 aron makig-uban sa ilang biktima sa managsamang 6-1 win-loss records ug ang Mobelhaus midaog sab batok sa San Remigio Beach Club, 49-42. (BANATSPORTS)