CEBU, Philippines - Nalutsan ni John Phillip Dueñas ang usa sa mga labing lisud nga hagit sa iyang running career pinaagi sa pagpilde sa come-backing nga si Mendel Lopez sa World Heart Day Run kagahapon didto sa The Terraces sa Ayala Center-Cebu.
Ang lumad nga taga-Danao nga si Dueñas kinsa usa sa mga fast-rising Cebuano runner, unang milabang sa finish line aron maangkon ang kampiyonato sa 10 men’s division sa oras nga 35:11.07, samtang si Lopez mirehistro og oras nga 37:02.10.
Si Robert Daang maoy miangkon sa ikatulong luna sa oras nga 37:02.10.
Sa women’s division, gipahimuslan na usab ni Mary Joy Tabal ang wa pagsalmut ni Mary Grace delos Santos human niya gilabni ang titulo sa oras nga 41:46.80.
Ang uyab ni Lopez nga si Lorhiz Echavez miangkon sa ikaduhang luna sa oras nga 47:40.48, samtang si Sofie Laumann mitugpa sa ikatulong dapit sa oras nga 48:52.43.
Sa doctors category, si Harem Deiparine maoy miangkon sa top place uban ni Glenn Cang sa men’s class, samtang si Emily Estrada ug Katrina Perez mao ang mga mananaug sa women’s division. (BANATSPORTS)