MANILA, Philippines - Ang mga upuan para sa Finals ng Seniors’ Basketball ang pag-aagawan ngayong araw habang ang mga nangungunang koponan sa volleyball ay susubukang lumapit sa championship sa ika-41st edisyon ng WNCAA.
Ang four-time defending champion na Lyceum na winalis ang kanilang limang laro sa eliminations ay mayroong twice-to-beat na bentahe laban sa University of Asia and the Pacific sa kanilang paghaharap sa ganap na alas-9:30 ng umaga sa tahanan ng mga Lady Pirates.
Maghaharap naman sa isang do-or-die na semis series ang College of St. Benilde at Rizal Technological University ay gaganapin sa alas-2 ng hapon.
Nasungkit naman na ng Philippine Women’s University ang unang tiket sa finals ng Senior B. Ang magtatagumpay sa quarterfinals sa pagitan ng Centro Escolar University at Emilio Aguinaldo College sa alas-8 ng umaga at sa pagitan ng Miriam College at San Beda College- Alabang sa alas-12:30 ng tanghali ang maghaharap para sa huling upuan sa championship.