CEBU, Philippines - Gitugtan na ang mga imports nga moduwa sa mga teams nga mopakita'g aksiyon sa 6th Governor Gwen Garcia Unity Volleyball (GUV) Cup.
Ning maong kalamboan, si Governor Gwen Garcia mihagit sa tanang dakbayan ug sa mga lungsod sa pagpahimo sa higayon alang sa kauswagan sa ilang koponan.
Si Cebu Volleyball Association (CEVA) president Jun San Juan, miingon nga ang reinforcement teams usa sa paagi pag-motivate nila.
Sa tigum sa CEVA officers, uban ni Gobernadora Garcia ug sa team coaches ug managers sa miaging adlaw diha sa Capitol Social Hall, naapil sab og tuki ang bag-ong qualifications for eligibility.
Sumala pa ni San Juan, nga ang usa ka player makaduwa kun ang iyang ginikanan ug mga apohan naggikan sa dakbayan o lungsod nga iyang duwaan.
Mahimo sab makaduwa ang player sa usa ka team kun siya nakapuyo na og usa ka tuig sa maong dakbayan ug lungsod pinaagi sa kaminyoon ug sa trabaho.
Ang GUV Cup volleyball tournament gisugdan niadtong 2005 ug eksklusibo lamang kini sa mga babaye. Sa 2008, ang tanang 52 ka dakbayan ug lungsod sa Sugbu ang nisalmot ug sa miaging tuig giapil na ang men's division. – BANAT NEWS