CEBU, Philippines - Kinse ka koponan ang mosalmot sa 2nd Christian Athletic Volunteer (CVA) Invitational Basketball Tournament nga buksan karong gabii diha sa Tejero Sports Complex, ning siyudad.
Mga koponan nga mosalmot mao ang Man Santamaria, Zapanta. IKPO, UNOTEL, Lantay, Tevil, Ehrin, Villa Gonzalo, Searise, Chowking, San Roque, Marrezvan, Cebu Doctor’s Dentistry, Silangan ug Carcelian.
Human sa malampuson nilang pagpahigayon sa unang hugna nga natapos niadtong Marso, ang CVA ubos sa liderato ni Pastor Jonathan Santamaria, mipasiugda dayon sa 2nd leg nga gisalmotan sa mga nagkadaiyang commercial ug barangay teams diha sa Brgy. Tejero.
Atol sa opening ceremonies, isal-ot usab ang awarding sa mga mananaog sa 1st leg diin ang TYBO maoy kampiyon uban sa Swwetdarnae ug Marrezvan.
Si Cebu City Mayor Michael Rama, Vice Mayor Joy Augustus Young ug si Cebu City North District Congresswoman Cutie del Margilaumang motambong ug mohatag sa ilang mensahe atol sa opening ceremonies. – BANAT NEWS