CEBU, Philippines - Nahanaw ang damgo sa Estados Unidos nga malangkat ang titulo sa 2010 FIFA World Cup human sila gipalagpot sa Ghana , 2-1, sa overtime alang sa first round sa elimination kagahapon didto sa Johannesburg , South Africa.
Ang striker sa Ghana nga si Asamoah Gyans maoy milansang sa kadaugan sa Ghana human kini makahimo og goal sa nahibiling tres minutos sa overtime batok sa mga Amerikano.
Ang Ghana mao karon ang bugtong African team nga moabante sa second round sa elimination, kini usab ang ikaduhang higayun nga gitagak sa Ghana ang US .
"We’ve made everybody proud, not Ghana alone, but all of Africa " matud pa ni Gyans.
Sukwahi usab niini ang gibati sa mga American soccer fans lakip na ang kanhi presidente nga si Bill Clinton ug legendary rock star nga si Mick Jagger kinsa saksi dihang gipakauwawan sa Ghana ang ilang koponan.
Si Landon Donovan, ang bugtong player nga nakahimo og goal alang sa US nangayo og despensa sa libuan nila ka mga kababayan human sa sayo nilang pagbiya sa 2010 World Cup. - Lemuel P. Maglinte gikan sa AP